టీచర్స్ డే ! భారత రత్న సర్వేపల్లి రాధాక్రిష్ణన్ స్మృతికి అంకితమైన ఆయన పుట్టిన రోజు. విద్య దేశాన్ని ఉద్ధరించగలిగే ఒకే ఒక సాధనం అని నమ్మిన అయ్యోరు - సర్వేపల్లి. నిరంతర విద్యార్ధే మంచి గురువు కాగలడు. ఎప్పటికప్పుడు తనను తాను మెరుగుపరచుకుంటుకుంటూ, తన జ్ఞానాన్ని నలుగురికీ పంచే వాడే మంచి టీచర్. టీచింగ్ లాంటి అద్భుతమైన వృత్తిని ప్రేమించీ, రాణించే అత్భుతమైన వ్యక్తులందరికీ టీచర్స్ డే శుభాకాంక్షలు.
అబ్దుల్ కలాం చూడండి - ఇప్పటికీ తన స్కూల్ టీచర్ల పట్ల ఎంత ప్రేమనీ అభిమానాన్ని ప్రదర్శిస్తారో ! మంచి శిష్యుడంటే కూడా అలానే ఉండాలి.
చిన్నప్పుడు స్కూల్లో నాకు ఆత్భుతమైన టీచర్లు తారసపడలేదు. నా దృష్టిలో నా అసలుసిసలు టీచర్ మా ట్యూషన్ మాస్టర్. ఆయన పేరు నాకు ఎప్పటికీ తెలియలేదు. అప్పటికే ఆయన వృద్ధులు. నడిచి, తనంతట తానే మా ఇంటికి వచ్చి నాకు ట్యూషన్ చెప్పేరు. నాకొచ్చిన తెలుగు అక్షరాలూ, లెక్కలూ, గుణింతాలూ, ఇంగ్లీషు వర్ణమాల, చిన్నా చితకా చదువుకు సంబంధించిన విషయాలూ ఆయన ఇచ్చిన దానమే. స్కూల్ సిలబస్ లో లేకపోయినా పిల్లలకి మంచిదని అమ్మతో మాటాడి, తెప్పించిన పెదబాలశిక్ష, దాన్లోంచీ నేర్పించిన వేమన పద్యాలూ, సుమతీ శతకంలోని పద్యాలూ గుర్తున్నాయింకా.
నేను పెద్దయ్యాక, ఆయన దగ్గర ట్యూషన్ మానేసేం. స్కూల్ మారిపోయాం, ఇల్లు మారిపోయాం. కొన్నాళ్ళకి ఆయన వేరే కాలనీ లో కనిపించారు. వారి అబ్బాయి అప్పుడపుడూ అమ్మకి ఆయన వార్తలు చేరవేసేవారు. మేము పెద్దయ్యాక కూడా ఆయన అదే ఆరోగ్యం తో పిల్లల ఇళ్ళకు నడిచి వెళ్ళి, ట్యూషన్ చెప్పేవారు. కొన్నాళ్ళకు ఆయన పోయేరని కబురు కూడా వాళ్ళబ్బాయి ద్వారానే తెలిసింది.
ఆయన పాఠాల కన్నా, ఆయనిచ్చిన ఆత్మ విశ్వాసం నాకు ఎంతగానో పనిచేసింది. నేను ఏకసంతాగ్రాహి నని తరచూ పొగుడుతుండేవారు. నా తెలివితేటల పట్ల ఆయన కున్న నమ్మకం, నాకే నమ్మశక్యంగా ఉండేది కాదు. పెద్దయ్యాకా, చదువులో చాలా కష్టాలు పడ్డాను. ఏ టీచర్నూ .. ముఖ్యంగా లెక్కల టీచర్నూ ఇష్టపడ్లేదు. ఆయన తప్ప ఎవరూ నన్ను తెలివైనదాన్నని అనలేదు. నా తెలివి తేటలు, నా సక్సెస్ - అన్నీ టీచర్ల గుర్తింపు కి అనులోమానుపాతంలో (Directly proportionate) ఉండేవనుకుంటాను !
మా తాతగారు నా రెండున్నరేళ్ళకే పోయారు. మీ ట్యూషన్ మేస్టారే నా చేతి రాత కి ఒక షేప్ ఇచ్చారు. ఈయన బూస్ట్ చేసినంతగా ఎవ్వరూ నా మొరేల్ ను బూస్ట్ చెయ్యలేదు. ఇప్పటికీ నేను పరీక్షలకో, ఇంకో వేటికో నిరాశ చెందితే అమ్మ వెంటనే ఈ మేస్టారి ప్రస్తావన తెచ్చి... నువ్వు తెలివైన దానివే.. నువ్వు చెయ్యగలవు ! అని తెగ ఉత్సాహ పరిచేస్తారు. నిజమే అనుకుని, నేను ఉప్పొంగిపోయి.. హేపీ గా ఫీల్ అవుతాను.
అంత మంచి మేస్టార్ని టీచర్స్ డే న ఇంకోమారు గుర్తుచేసుకుంటూ....
04/09/2008
03/09/2008
లక్కీ మిట్టల్ విజయాలు
ఇండియా కు మూడు ఒలింపిక్ పతకాలు. వాటిల్లో ఒకటి, స్వర్ణం.. అందరూ ఖుష్ ! వీటి వెనుక ఒక ఉక్కు స్నేహ హస్తం ఉంది. తెలుసా ? ఆ హస్తమే లక్ష్మీ మిట్టల్.
క్రికెట్ - ఆర్ధికంగా, భారత దేశాన్ని శాసించే క్రీడ ! క్రికెట్ మీద కాసులు కురిపిస్తే నష్టపొయ్యేదేమీ లేదు. క్రికెట్ లో గ్లామరుంది. క్రికెట్ (భారత దేశపు టీం అంటూ ఏమీ లేదు) దేశాన్ని ముందుకు నడిపిస్తుంది అని వెఱ్రిగా నమ్మే భారతీయ కోర్పరేట్ ప్రపంచాన్ని లక్కీ మిట్టల్ చిన్న కుదుపు కుదిపాడు.
స్పాన్సర్ షిప్ - ప్రోత్సాహం, మెఱికల్లాంటి క్రీడాకారుల ఎంపిక, కోచింగ్, అత్యుత్తమ ఫిశియో థెరపీ - ఎమోషనల్ సపోర్ట్ - మనకి ఈ సారి బీజింగ్ ఒలింపిక్స్ లో ఈ విజయాల్ని సాధింప జేసాయి. క్వార్టర్ ఫైనల్ వరకూ అయినా మన క్రీడా కారులు చేరగలిగారంటే వారి విజయం వెనుక ఉన్న అదృశ్య హస్తం మిట్టల్ !
విజెందర్ మినహా అభినవ్, సైనా సహా అందరు క్రీడా కారులకూ మిట్టల్ సహకారాన్ని అందించారు. However, విజెందర్ కూడా మిట్టల్ స్పాన్సర్షిప్ లో పని చేసిన వారే - కాకపోతే, ఒలింపిక్స్ కు కాస్త ముందుగా బయటకు వచ్చారు. కాబట్టి విజెందర్ కూడా మిట్టల్ ప్రోత్సాహం వల్ల లాభ పడినట్లే చెప్పుకోవచ్చు.
2004 ఏథెన్స్ ఒలింపిక్స్ లో భారత్ అపజయాల్ని చూసి నొచ్చుకున్న మిట్టల్ కుటుంబం 2005 లో లండన్ లో వింబుల్డన్ లో మహేష్ భూపతి ని కలిసారు. మిట్టల్ చాంపియన్స్ ట్రస్ట్ ను స్థాపించడానికి నాంది పలికారు. 10 మిలియన్ డాలర్లు, 40 మంది క్రీడాకారులు, 2012 ఒలింపిక్స్ లో మంచి ఫలితాలను సాధించాలన్న లక్ష్యం తో మొదలయిన ఈ ఎం.సీ.టీ (మిట్టల్ చాంపియన్స్ ట్రస్ట్) ఈ బీజింగ్ ఒలింపిక్స్ లో తన టీం లోని 14 గురు క్రీడాకారులతో సాధించిన అత్బుతాలు చెప్పుకోదగ్గవే!
భారత దేశంలో త్వరలో బాక్సింగ్ లీగ్ లను మొదలు పెట్టబోతున్నారు ! బాక్సింగ్ మీద యువత లో క్రేజ్ మొదలయింది. కరణం మల్లీశ్వరి గుర్తున్నారా? మల్లీశ్వరి కు మన రాష్ట్రం లో లభించిన ఘన స్వాగతం గుర్తుందా ? ఆ తరవాత చాలా మంది అమ్మాయిలు వెయిట్ లిఫ్టింగ్ పట్ల ఆసక్తి పెంచుకున్నారుట. క్రికెట్ తో విబేధించే ఉద్దేశ్యం నాకు లేదు. భారత దేశంలో నిజంగా మైదానానికి వెళ్ళి పరుగులు పెట్టి, క్రికెట్ ఆడినా, ఆడకపోయినా, టీవీ లో క్రికెట్ కు అతుక్కుపోయే జనాభా అత్యధికం. క్రికెట్ తనకు తానే సాయపడగలదు. మరి మిగతా క్రీడల మాటేమిటి ? ఒలింపిక్స్ రాగానే వాటి మీద ఆందోళన చెందడం, ఆ రెండు వారాలు కాగానే, యధావిధి గా ఈ.ఎస్.పీ.ఎన్. చూడటం, మన అలవాటు.
అమిత్ భాటియా - [ మిట్టల్ అల్లుడు ] కూడా క్రికెట్ లో డబ్బు పెట్టడానికి పూర్తిగా వ్యతిరేకం. మిట్టల్, భాటియాలు కలిసి చేసిన ఈ అత్భుతం మాత్రం ఖచ్చితంగా స్వర్ణ పతకాన్ని గురించి కాదుట (కనీసం బీజింగ్ లో). కానీ సాధించిన విజయాలువారినే ఆశ్చర్య పరచినా, frankly ఖచ్చితంగా స్పూర్తిదాయకాలు ! విజేతలు ( జరా హట్ కే..) విభిన్నంగా ఆలోచిస్తారేమో ! మిట్టల్ చాంపియన్స్ ట్రస్ట్ 2005 నుండీ ఇదే పని లో ఉంది ! మూడేళ్ళ పాటూ అకుంఠిత దీక్ష, లక్ష్యాల పట్ల చిత్త శుద్ధి తో లక్ష్మీ మిట్టల్ సాధించిన ఈ విజయం లక్ష్మీ ని భారతీయ క్రీడల లక్కీ ఐకన్ గా మార్చింది. మిట్టల్ కేవలం స్పాన్సర్ మాత్రమే కాదు. ఆయన దేశానికోసం ఏదో చెయ్యాలనుకుని ఉబలాటపడ్డారు. సో... భారత దేశం 2012 ఒలింపిక్స్ కోసం ఎదురుచూడొచ్చు !
క్రికెట్ - ఆర్ధికంగా, భారత దేశాన్ని శాసించే క్రీడ ! క్రికెట్ మీద కాసులు కురిపిస్తే నష్టపొయ్యేదేమీ లేదు. క్రికెట్ లో గ్లామరుంది. క్రికెట్ (భారత దేశపు టీం అంటూ ఏమీ లేదు) దేశాన్ని ముందుకు నడిపిస్తుంది అని వెఱ్రిగా నమ్మే భారతీయ కోర్పరేట్ ప్రపంచాన్ని లక్కీ మిట్టల్ చిన్న కుదుపు కుదిపాడు.
స్పాన్సర్ షిప్ - ప్రోత్సాహం, మెఱికల్లాంటి క్రీడాకారుల ఎంపిక, కోచింగ్, అత్యుత్తమ ఫిశియో థెరపీ - ఎమోషనల్ సపోర్ట్ - మనకి ఈ సారి బీజింగ్ ఒలింపిక్స్ లో ఈ విజయాల్ని సాధింప జేసాయి. క్వార్టర్ ఫైనల్ వరకూ అయినా మన క్రీడా కారులు చేరగలిగారంటే వారి విజయం వెనుక ఉన్న అదృశ్య హస్తం మిట్టల్ !
విజెందర్ మినహా అభినవ్, సైనా సహా అందరు క్రీడా కారులకూ మిట్టల్ సహకారాన్ని అందించారు. However, విజెందర్ కూడా మిట్టల్ స్పాన్సర్షిప్ లో పని చేసిన వారే - కాకపోతే, ఒలింపిక్స్ కు కాస్త ముందుగా బయటకు వచ్చారు. కాబట్టి విజెందర్ కూడా మిట్టల్ ప్రోత్సాహం వల్ల లాభ పడినట్లే చెప్పుకోవచ్చు.
2004 ఏథెన్స్ ఒలింపిక్స్ లో భారత్ అపజయాల్ని చూసి నొచ్చుకున్న మిట్టల్ కుటుంబం 2005 లో లండన్ లో వింబుల్డన్ లో మహేష్ భూపతి ని కలిసారు. మిట్టల్ చాంపియన్స్ ట్రస్ట్ ను స్థాపించడానికి నాంది పలికారు. 10 మిలియన్ డాలర్లు, 40 మంది క్రీడాకారులు, 2012 ఒలింపిక్స్ లో మంచి ఫలితాలను సాధించాలన్న లక్ష్యం తో మొదలయిన ఈ ఎం.సీ.టీ (మిట్టల్ చాంపియన్స్ ట్రస్ట్) ఈ బీజింగ్ ఒలింపిక్స్ లో తన టీం లోని 14 గురు క్రీడాకారులతో సాధించిన అత్బుతాలు చెప్పుకోదగ్గవే!
భారత దేశంలో త్వరలో బాక్సింగ్ లీగ్ లను మొదలు పెట్టబోతున్నారు ! బాక్సింగ్ మీద యువత లో క్రేజ్ మొదలయింది. కరణం మల్లీశ్వరి గుర్తున్నారా? మల్లీశ్వరి కు మన రాష్ట్రం లో లభించిన ఘన స్వాగతం గుర్తుందా ? ఆ తరవాత చాలా మంది అమ్మాయిలు వెయిట్ లిఫ్టింగ్ పట్ల ఆసక్తి పెంచుకున్నారుట. క్రికెట్ తో విబేధించే ఉద్దేశ్యం నాకు లేదు. భారత దేశంలో నిజంగా మైదానానికి వెళ్ళి పరుగులు పెట్టి, క్రికెట్ ఆడినా, ఆడకపోయినా, టీవీ లో క్రికెట్ కు అతుక్కుపోయే జనాభా అత్యధికం. క్రికెట్ తనకు తానే సాయపడగలదు. మరి మిగతా క్రీడల మాటేమిటి ? ఒలింపిక్స్ రాగానే వాటి మీద ఆందోళన చెందడం, ఆ రెండు వారాలు కాగానే, యధావిధి గా ఈ.ఎస్.పీ.ఎన్. చూడటం, మన అలవాటు.
అమిత్ భాటియా - [ మిట్టల్ అల్లుడు ] కూడా క్రికెట్ లో డబ్బు పెట్టడానికి పూర్తిగా వ్యతిరేకం. మిట్టల్, భాటియాలు కలిసి చేసిన ఈ అత్భుతం మాత్రం ఖచ్చితంగా స్వర్ణ పతకాన్ని గురించి కాదుట (కనీసం బీజింగ్ లో). కానీ సాధించిన విజయాలువారినే ఆశ్చర్య పరచినా, frankly ఖచ్చితంగా స్పూర్తిదాయకాలు ! విజేతలు ( జరా హట్ కే..) విభిన్నంగా ఆలోచిస్తారేమో ! మిట్టల్ చాంపియన్స్ ట్రస్ట్ 2005 నుండీ ఇదే పని లో ఉంది ! మూడేళ్ళ పాటూ అకుంఠిత దీక్ష, లక్ష్యాల పట్ల చిత్త శుద్ధి తో లక్ష్మీ మిట్టల్ సాధించిన ఈ విజయం లక్ష్మీ ని భారతీయ క్రీడల లక్కీ ఐకన్ గా మార్చింది. మిట్టల్ కేవలం స్పాన్సర్ మాత్రమే కాదు. ఆయన దేశానికోసం ఏదో చెయ్యాలనుకుని ఉబలాటపడ్డారు. సో... భారత దేశం 2012 ఒలింపిక్స్ కోసం ఎదురుచూడొచ్చు !
02/09/2008
ఉండ్రాళ్ళు / & / కుడుములు చెయ్యడం ఎలా ?!
హైదరాబాద్ లో వినాయక చవితి పందిళ్ళూ, పెద్ద పెద్ద ప్లాస్టర్ ఆఫ్ పేరిస్ విగ్రహాలూ,పందిళ్ళ నిండా పిల్లలూ, సినిమా పాటలూ, రంజాన్ ప్రార్ధనలూ, రోజా, హలీం దుకాణాలూ.. ఊరంతా పండగ వాతావరణం వుంది.
అన్ని వస్తువుల ధరలూ అదిరిపోతున్నాయి. హుస్సేన్ సాగర్ లో మునగలేక, మునగలేక మునిగే వినాయకుళ్ళను తలచుకుంటే బాధ కలుగుతుంది. బుజ్జి బంగారు గణపతి ని ఆ చెత్త హుస్సేన్ సాగర్ లో ముంచీ, దేవుణ్ణీ ; కృత్రిమ రంగులూ, రసాయనాలూ, వ్యర్ధాలూ కలిపి చేసిన విగ్రహాల్ని ముంచి హుస్సేన్ సాగర్ నూ ; ఇబ్బంది పెట్టేసే అతి పెద్ద పండగ మొదలయింది.
ఇన్ని సంబరాల మధ్య ఒక ఎత్తుకొచ్చిన టపా (link only) రాసేందుకు సాహసిస్తున్నాను. నిజానికి -రేపటికి సిద్ధంగా ఉంచుకున్న నా కిచెన్ నోట్స్ ఇది. 'ఉండ్రాళ్ళు / & / కుడుములు చెయ్యడం ఎలా ? ' - ఈ ఐడియా తట్టగానే, మా ఊరమ్మాయి శైలజ రాసే శైలూస్ కిచెన్ అనే ఫుడ్ బ్లాగ్ లో ఈ రెసిపీ దొరకబుచ్చుకుని, ఇక్కడ పోస్ట్ చేస్తున్నాను.
Note : [మా శైలూస్ కిచెన్ నాకు చాలా నచ్చుతుంది. ఆంధ్రా వంటలూ, ముఖ్యంగా మా విశాఖ వంటలూ శుభ్రంగా దొరుకుతాయి] ఇది నా బ్లాగ్ లో అతికించడానికి కారణం, ఇది నాకు విపరీతంగా నచ్చడమే. నాకు నచ్చిందల్లా నా బ్లాగ్ లో పెట్టీసి, కుంచెం ఇంగ్లీష్ లో పొగడడం నాకు అలవాటు. దీని వల్ల ప్రమాదం ఏమైనా ఉందేమో నాకు తెలియదు.
ఉండ్రాళ్ళ గొడవ పక్కన పెడితే, నా వైపునుంచీ ఒక నాగరికమైన ఉచిత సలహా ఏమిటంటే, చిన్న, మట్టితో చేసిన విగ్రహాన్ని కొని (రంగులు పూయనివి) పూజ చేసుకోండి. కొంచెం పర్యావరణం గురించి ఆలోచించండి. నా బ్లాగ్ చదివే వాళ్ళకు వినాయక చవితి మరియు రోజా శుభాకాంక్షలు. అందరూ, శ్రద్దాసక్తుల తో, భగవంతుని మీద ప్రేమతో, సమాజం పట్ల కొంచెం బాధ్యత తో ఈ పండగలను సెలెబ్రేట్ చేసుకోవాలని ఆశిస్తున్నా !
అన్ని వస్తువుల ధరలూ అదిరిపోతున్నాయి. హుస్సేన్ సాగర్ లో మునగలేక, మునగలేక మునిగే వినాయకుళ్ళను తలచుకుంటే బాధ కలుగుతుంది. బుజ్జి బంగారు గణపతి ని ఆ చెత్త హుస్సేన్ సాగర్ లో ముంచీ, దేవుణ్ణీ ; కృత్రిమ రంగులూ, రసాయనాలూ, వ్యర్ధాలూ కలిపి చేసిన విగ్రహాల్ని ముంచి హుస్సేన్ సాగర్ నూ ; ఇబ్బంది పెట్టేసే అతి పెద్ద పండగ మొదలయింది.
ఇన్ని సంబరాల మధ్య ఒక ఎత్తుకొచ్చిన టపా (link only) రాసేందుకు సాహసిస్తున్నాను. నిజానికి -రేపటికి సిద్ధంగా ఉంచుకున్న నా కిచెన్ నోట్స్ ఇది. 'ఉండ్రాళ్ళు / & / కుడుములు చెయ్యడం ఎలా ? ' - ఈ ఐడియా తట్టగానే, మా ఊరమ్మాయి శైలజ రాసే శైలూస్ కిచెన్ అనే ఫుడ్ బ్లాగ్ లో ఈ రెసిపీ దొరకబుచ్చుకుని, ఇక్కడ పోస్ట్ చేస్తున్నాను.
Note : [మా శైలూస్ కిచెన్ నాకు చాలా నచ్చుతుంది. ఆంధ్రా వంటలూ, ముఖ్యంగా మా విశాఖ వంటలూ శుభ్రంగా దొరుకుతాయి] ఇది నా బ్లాగ్ లో అతికించడానికి కారణం, ఇది నాకు విపరీతంగా నచ్చడమే. నాకు నచ్చిందల్లా నా బ్లాగ్ లో పెట్టీసి, కుంచెం ఇంగ్లీష్ లో పొగడడం నాకు అలవాటు. దీని వల్ల ప్రమాదం ఏమైనా ఉందేమో నాకు తెలియదు.
ఉండ్రాళ్ళ గొడవ పక్కన పెడితే, నా వైపునుంచీ ఒక నాగరికమైన ఉచిత సలహా ఏమిటంటే, చిన్న, మట్టితో చేసిన విగ్రహాన్ని కొని (రంగులు పూయనివి) పూజ చేసుకోండి. కొంచెం పర్యావరణం గురించి ఆలోచించండి. నా బ్లాగ్ చదివే వాళ్ళకు వినాయక చవితి మరియు రోజా శుభాకాంక్షలు. అందరూ, శ్రద్దాసక్తుల తో, భగవంతుని మీద ప్రేమతో, సమాజం పట్ల కొంచెం బాధ్యత తో ఈ పండగలను సెలెబ్రేట్ చేసుకోవాలని ఆశిస్తున్నా !
Subscribe to:
Posts (Atom)