ఇది కధలో కధ, కధలో కధ.. అలా సాగుతుంటుంది. అదీ చాలా ఆసక్తికరంగా ! సో ఆ కధ చెప్తానన్నమాట. కాసేపు ఇది 'ఒక యోగి ఆత్మకధ' లాగా అనిపిస్తుంది. దానికి మనమేమీ చెయ్యలేం. కథని రచయిత చెప్పడం ప్రారంభిస్తారు.
లండన్ లో ఒకానొక 'హెన్రీ షుగర్' చాలా డబ్బున్న ఒంటరి యువకుడు. పెద్ద మొత్తపు ఆస్థి, ఇటీవలే మరణించిన తండ్రిగారి నుంచీ చిక్కింది. అందరు డబ్బున్న వాళ్ళలాగే, తన ఆస్థిని గుణించేసుకుని ఎన్నో రెట్లు చేసేయాలన్నంత కుతి, దురాశ గల, ఒక వేళ పెళ్ళి చేసుకుంటే, వచ్చే భార్య తో ఆస్థిని పంచుకోవాల్సొస్తుందని పెళ్ళి మాటే తలపెట్టని 40 ఏళ్ళ బ్రహ్మచారి, లోభి అయిన యువకుడు! !
మరి చెయ్యడానికి ఏమీ లేక జూదం, క్రోకెట్, చెత్త హాస్యాలూ, పనికిమాలిన బెట్ట్ లూ కడుతూ కాలం గడుపుతూ ఉంటాడు. ప్రతిదాన్లోనూ లాభం చూసుకునే తత్వం. డబ్బు వస్తుందీ అంటే వొదిలే ప్రశక్తే లేదు. ఫెరారీ కారు లో సవారీ. వేసవిలో మాత్రం లండన్ లో ఉండటం! అక్టోబర్ లో కాస్త చలి మొదలవగానే వెస్ట్ ఇండీస్ గానీ, దక్షిణ ఫ్రాన్స్ కు గానీ వెళ్ళి, అక్కడ తన ధనిక స్నేహితులతో గడిపి వస్తుంటాడు.
హెన్రీ లాంటి వ్యక్తులు సముద్రపు నాచు లాగా ప్రపంచం అంతా కనిపిస్తూనే ఉంటారు. వారు పెద్ద చెడ్డ వాళ్ళూ అని చెప్పలేం. అలా అని మంచి వాళ్ళూ కారు. అసలు వారికి పెద్ద ప్రాధాన్యం ఇవ్వక్కర్లేదు. వాళ్ళు జస్ట్ ఈ సమాజపు అలంకరణ లో ఒక భాగం.
ఒక వేసవి వారాంతానికి హెన్రీ, లండన్ నుండీ 'గిల్ఫోర్డ్' లో 'సర్ విలియం విండ్ హాం' ఇంటికి వస్తాడు. అదో విశాలమయిన విక్టోరియన్ భవంతి. పెద్ద ఇల్లూ, తోటా.. అంతా. కానీ ఆ శనివారం మధ్యాన్నం ఆ లాంగ్ డ్రైవ్ ముగించి, కంట్రీ కి ఈ హెన్రీ వచ్చే వరకూ, పెద్ద వర్షం విసుగుపుట్టించేలా కురుస్తూనే ఉంటుంది. ఆ దెబ్బకు అతిధులంతా డ్రాయింగ్ రూంలో నే గడపాల్సి వచ్చింది. ఆ వర్షం లో క్రోకెట్టూ, టెన్నీసు, స్విమ్మింగూ వగైరా ఆటలకు కుదరక, డబ్బున్న వాళ్ళు చెప్పుకునే గొప్పలన్నీ చెప్పుకుంటున్నారు అందరూ. మత్తు తలకెక్కి పేక ఎక్కువ మొత్తాలకి మొదలుపెట్టారు, కానీ ఇవన్నీ హెన్రీ కి విసుగు పుట్టించి, మెల్లగా లైబ్రరీ లోకి తప్పుకుంటాడు. ఇక్కడ హెన్రీ పెద్ద చదువరి కాదు. ఊరికే తోచక, కొన్ని పుస్తకాల్ని పరిశీలిస్తాడు. అక్కడ ఒక విచిత్రమైన పుస్తకం అతన్ని ఆకర్షిస్తుంది. అది ఒక ఎక్సర్సైజు పుస్తకం. చేత్తో రాసింది. పుస్తకం పైన ఇలా రాసి ఉంది.
A REPORT ON AN INTERVIEW
WITH IMHRAT KHAN, THE MAN WHO
COULD SEE WITHOUT HIS EYES
By
Dr.John F Cartwright,
Bombay, India, December, 1934.
ఎందుకో ఆసక్తి కలిగి హెన్రీ ఈ పుసకాన్ని తిరగేస్తాడు, డాక్టర్ కార్ట్ రైట్ అనే వ్యక్తి, బొంబాయి లో వైద్యునిగా పని చేస్తున్నప్పుడు 'ఇమ్రత్ ఖాన్ ' అనే వ్యక్తి ద్వారా కలిగిన అనుభవాలను ఆ నోట్స్ లో రికార్డ్ చేసి ఉంటాడు. ఈ ఇమ్రత్ ఖాన్ పొట్టకూటికి సర్కస్ ఫీట్లు చేస్తూ గడిపే ఒక కళాకారుడు. ఓనాడు అతను ఈ డాక్టర్ దగ్గరకు, తన సర్కస్ ప్రదర్శన ముందు వచ్చి తన రెండు కళ్ళనూ పిండిముద్ద తో పూర్తిగా సీల్ చేయించుకుని, మొహానికి పూర్తిగా బాండేజీ కట్టించుకుని, మానవమాతృడికి సాధ్యం కాని రీతిలో మమూలు కళ్ళ తో చూస్తున్నట్టే ఆ బిజీ వీధుల గుండా సైకిలు తొక్కుకుంటూ వెళిపొతాడు, ఆ ఫీటు, ఆనాటి సాయంత్రం జరిగే షో కు ప్రచారం అన్నమాట. ఆశ్చర్యం తో నోరు తెరిచిన ఈ డాక్టర్ ని కూడా ప్రదర్శన కు ఆహ్వానిస్తాడు ఖాన్.
అక్కడ ఆనాటి సాయంత్రం ప్రదర్శన లో అతని ప్రతిభ చూసి ఈ ఇంగ్లీషు వైద్యుడికి మతి పోతుంది. మెల్లగా ఇమ్రత్ ఖాన్ తో పరిచయం పెంచుకుని, అలా కళ్ళు మూసేసి ఉన్నా అంత స్పష్టంగా ఎలా చూడగలుగుతున్నాడో తెలుసుకుంటే, అది ఎందరో గుడ్డి వాళ్ళకి ఉపయోగపడుతుందని డాక్టర్ ఆశ పడతాడు. మెల్లగా ఖాన్ కథని అతని ద్వారానే తెలుసుకుంటాడు ఆ రాత్రి.
సరే - ఇమ్రత్ ఖాన్ తన కధ చెప్తాడు ఈ డాక్టర్ కి. (కధలో కధ) ఇమ్రత్ కాశ్మీరు లో అఖ్నూర్ లో పుట్టిన హిందువు. 14 యేళ్ళ వయసులో ఒక ఇంద్రజాలికుడి మోజులో ఇల్లొదిలి పారిపోయాడు. కానీ ఇంద్రజాలికుడి మాయ అంతా కనికట్టు అని తెలుసుకొని, నిరుత్సాహపడతాడు. కానీ పట్టిన పట్టు వొదలక, హరిద్వార్ రుషీకేశ్ లలో పొట్టతిప్పలు పడుతూనే తనకు ఈ మాయల్ని నేర్పే నిజమైన గురువు గురించి అన్వేషిస్తాడు. (ఈ అన్వేషణ ఇంకో పెద్ద కధ) అదృష్టవశాత్తూ అతనికి ఒక యోగి దొరికి, తీవ్ర సాధనతో కొన్ని మాయలు నేర్చుకుంటాడు. ఇండియాలో సాధువులకు ఒక నియమం వుంటుంది. వాళ్ళు ఈ యోగ మాయల్ని ధనం కోసం చేసే ప్రదర్శన కోసం నేర్చుకోకూడదు..(డబ్బు కోసం ప్రదర్శిస్తే తల పగిలి చచ్చిపోతారు). ఇదంతా యోగ విద్య లో భాగం.
అయితే ఇమ్రత్ ఖాన్ మతంతో, సాధు జీవితంతో సంబంధం లేకుండా కేవలం విద్య కోసం వచ్చిన వాడు. కాబట్టి, గురు శుశ్రూష తో, తీవ్ర సాధన తో నిప్పుల మీద కాళ్ళు కాలకుండా నడవటం వగైరా నేర్చుకుంటాడు. కొన్నాళ్ళకు, ఒక కొవ్వొత్తి జ్వాల ని చూస్తూ..[కొన్నేళ్ళకు] కళ్ళు మూసున్నా ఎదుటి వస్తువుల్ని స్పష్టంగా చూడటం అనే విద్య ను సాధిస్తాడు. తన ఎదురుగా ఉన్న పేకను తిరగేసి ఉన్నా చదవడం అనే ట్రిక్ ను కూడా సాధిస్తాడు. ఇప్పుడు ఇలా తలకు పూర్తి బాండేజీ ఉన్నా, సూదిలో దారం ఎక్కించడం, కత్తులు టార్గెట్ కు ఎయిం చేసి విసరడం లాంటి ట్రిక్స్ తో జీవిక నడుస్తోంది. ఆనాటి ప్రదర్శన లో ఇవే ప్రధానాంశాలు. ఇదీ ఇమ్రత్ కధ.
కానీ ఆ డాక్టర్ రాత్రి ఇంటికొచ్చి, చూపు కోల్పోయిన వారికి ఇమ్రత్ విద్య ద్వారా ఏమయినా మేలు జరుగుతుందేమో అని మర్నాడు, వివరాల కోసం, ఆ సాధన గురించి తెలుసుకుందామని తనని కలుసుకునేందుకు వెళ్ళేసరికీ, ముందు రాత్రి ఇమ్రత్ నిద్ర లోనే మరణిస్తాడు. దాంతో ఈ డాక్టర్ అభిలాష నెరవేరదు. అలా.. ఈ పుస్తకం అంతా.. ఇండియా లో తను చూసిన ఆ వింత గురించి ఈ ఇంగ్లీషు డాక్టర్ రాసుకున్న ఒక నోట్స్ ఉంటుంది.
కానీ ఆ డాక్టర్ రాత్రి ఇంటికొచ్చి, చూపు కోల్పోయిన వారికి ఇమ్రత్ విద్య ద్వారా ఏమయినా మేలు జరుగుతుందేమో అని మర్నాడు, వివరాల కోసం, ఆ సాధన గురించి తెలుసుకుందామని తనని కలుసుకునేందుకు వెళ్ళేసరికీ, ముందు రాత్రి ఇమ్రత్ నిద్ర లోనే మరణిస్తాడు. దాంతో ఈ డాక్టర్ అభిలాష నెరవేరదు. అలా.. ఈ పుస్తకం అంతా.. ఇండియా లో తను చూసిన ఆ వింత గురించి ఈ ఇంగ్లీషు డాక్టర్ రాసుకున్న ఒక నోట్స్ ఉంటుంది.
ద్రవ్యాశ అధికంగా ఉన్న వ్యక్తి కి ఇలాంటి మాయ మంత్రాల పుస్తకం సహజంగానే ఆకర్షిస్తుంది. హెన్రీ ఈ పుస్తకాన్ని మెల్లగా కోటు జేబులో పెట్టేసుకుని లండన్ తిరిగి వస్తాడు. [ఈ పుస్తకం హెన్రీ మరణం వరకూ అతని దగ్గరే ఉంటుంది]. హెన్రీ ఆలోచన ఏంటంటే, ఎలానో తంటాలు పడి, ఆ కళ్ళు మూసుకుని చూడగలిగే విద్య అభ్యసించేయగలిగితే, జూద గృహాల్లో పేకల్ని వెనక నుంచీ చదివేసి, ప్రతీ ఆటలోనూ గెలిచేయొచ్చు. అధమం, జూదం తోనే తన ఆస్థి ని ఎన్ని రెట్లైనా చెయ్యొచ్చు. అదీ ప్లాన్. కాబట్టి, దురాశ తోనే, తనకు తెలీకుండా యోగ సాధన లోకి దిగుతాడు ఈ హెన్రీ షుగర్.
అప్పట్నించీ గదిలో తలుపులు మూసుకుని, చీకటి చేసుకుని, కేండిల్ వెలుతురును చూస్తూ నాలుగున్నరేళ్ళ పాటూ, బహిశ్చకుషువుల నుండీ కాక అంతశ్చక్షువులతో చూడటం సాధన చేస్తాడు. అన్న పానాలకూ తప్ప గది విడవడు. క్లబ్ లూ, కేసినోలూ వెళ్ళడు. లక్ష్య సాధన కోసం ప్రయత్నిస్తూనే ఉంటాడు. మొత్తానికి పేక ను వెనక నుండీ ఒక నిముషం లో చదవడం నాలుగేళ్ళకు, ఒంటబడుతుంది. దాన్ని సెకన్ల (2/4th Second) వ్యవధిలో చేయడానికి ఇంకొన్ని నెలలు తీవ్ర సాధన అవసరం అవుతుంది.
ఆఖరికి నాలుగున్నరేళ్ళ తర్వాత తన విద్య ను పరీక్షించుకోవడానికి తనకు సభ్యత్వం ఉన్న ఒక పెద్దల క్లబ్ కు వెళ్తాడు. అక్కడకు వెళ్ళాకా, అంతవరకూ తాను వారిలో ఒకడి గా ఉన్నా, వారి ధనం హెన్రీ కి వెగటు కలిగిస్తుంది. మొత్తానికి ఆట మొదలయ్యాక, హెన్రీ ఒడ్డిన ప్రతీ పేకా గెలుస్తుంది. అన్ని కార్డులనూ కరెక్ట్ గా చదవగలుగుతూ, ఉత్సాహంతో ఆటల్ని గెలుస్తాడు. కానీ క్లబ్ వాళ్ళ అనుమాన దృష్టి లో కూడా తాను పడినట్టు గమనించినా, పెద్ద పట్టించుకోడు. గెలిచిన ధనం.. 2000 పౌండ్లు - ఒకప్పుడు అయితే అతనికి అత్యంత ఆనందం కలిగించేది కానీ.. ఇన్నేళ్ళ యోగ సాధన వల్ల అతని హృదయం మారిపోయింది. డబ్బు అంటే విరక్తి కలుగుతుంది.
ఆ డబ్బు మీద విరక్తి, అవసరం ఉన్నవాడికల్లా ఆ ధనాన్ని పంచేయాలన్న కోరిక తో, మర్నాడు తను గెలిచిన డబ్బు లోంచీ 20 పౌండ్ల నోట్లను తానుంటున్న అయిదో అంతస్థు బాల్కనీ లోంచీ కింద తిరుగుతున్న సాధారణ పౌరుల వైపు విసురుతాడు. పెద్ద గలాటా మొదలవుతుంది. అప్పటి కాలంలో మామూలు బ్రిటీషు జనం, వాళ్ళ జన్మ లో 20 పౌండ్ల నోటు చూసి వుండరు. ఈ గొడవకు కోపంగా హెన్రీ ఫ్లాట్ కు వచ్చిన ఇన్స్పెక్టర్ "నీకంత డబ్బు ఎక్కువైతే ఏ అనాధాశ్రమానికో ఇవ్వొచ్చుగా ! అనాధాశ్రమాలకూ, వైద్య శాలలకూ ఇవ్వు. ఇలా రోడ్ల మీదకు విసిరి న్యూసెన్స్ చెయ్యకు". అని బుద్ధి చెప్తాడు, ఇదే మలుపు! హెన్రీ జీవితానికి. ఆ పోలీసాయన అనాధాశ్రమములో పెరిగిన వాడే. కాబట్టి, అనాధలకి ఈ సొమ్ము ఎంత అవసరమో ఈ పిచ్చివాడికి బోధపడేలా చెప్పగలుగుతాడు.
సో, అప్పుడు, హెన్రీ షుగర్ కి ఒక ఐడియా వస్తుంది. తాను జూదం లో సంపాదించి అనాధ లకు ఉపయోగ పడాలని. అలా అతని జూద సంపాదన మొదలవుతుంది. అయితే, కసినోలు సాధారణంగా ముఠాల ఆధ్వర్యంలో నడుస్తాయి గాబట్టి, సునాయాసంగా ఎక్కువ మొత్తాలు ఖచ్చితంగా గెలుస్తూన్న హెన్రీకి అపాయం ఉంటుంది. ఒక సారి అనుభవపూర్వకంగా మారు వేషం వేసి హత్యా యత్నం నుండీ ఆఖరు నిముషాన తప్పించుకో గలుగుతాడు.
దానితో బాగా ఆలోచించి, స్విట్జర్లాండ్ లో లూసెన్ లో ప్రత్యేకంగా 'జాన్ వాట్సన్' అనే ఒక అకౌంటెంట్ ని పెట్టుకుంటాడు. 20 ఏళ్ళ పాటూ (తన 63వ ఏట చనిపోయే వరకూ) మొత్తం 21 దేశాల్లో, దీవుల్లో 3,071 కసినోలూ, వివిధ మారు రూపాల్లో, వేర్వేరు పాస్పోర్ట్ ల తో, వివిధ ఐడెంటిటీలతో జూదమాడి కోట్లాది (మిలియన్ల కొద్దీ) ఫ్రాంకుల డబ్బును గడిస్తాడు. అతని వివిధ వేష ధారణకు పెట్టుకున్న హలీవుడ్ మేకప్ ఆర్టిస్ట్ మేక్స్ & ఈ జాన్ వాట్సన్ లకే హెన్రీ షుగర్ అంతరంగం తెలుసు. హెన్రీ షుగర్ ఫౌండేషన్ ద్వారా, హెన్రీ వెళ్ళిన ప్రతీ దేశం లోనూ ఒక అనాధాశ్రమాన్ని స్థాపించి, దాన్ని బాగోగులకు అవసరమైన ధనాన్ని సంపాదించి పెట్టాడు. వాటి నిర్వహణ కు హెన్రీ పోయాక కూడా ఢోకా లేదు అనేంత సొమ్ముని సంపాయించాక, మరణించాడు.
ఇప్పుడు, మేక్స్, వాట్సన్లు తమ ప్రియతమ మితృని మరణానికి చింతిస్తున్నారు. అతను తెర వెనుక అజ్ఞాతంగా చేసిన మంచి పన్లనూ, వైద్య రంగానికీ, కేన్సర్ ప్రయోగాలకూ చెస్సిన వితరణనూ, నమ్మశక్యం కాని యోగి లాంటి అతని జీవితాన్నీ లోకానికి చెప్పడం తమ కర్తవ్యం గా భావిస్తారు. అయితే దానిని సమర్ధవంతంగా చెప్పగలిగే రచయిత కావాలి వారికి. కాబట్టి, ఇప్పుడు వీరు, ఈ కధంతా లోకానికి చెప్పడానికి రాల్డ్ ను సంప్రదించారన్న మాట. సో.. ఇదీ రచయిత ఇంతవరకు చెప్పిన ఈ మహానుభావుడి కథ.
ఇంతకీ, ఈ 'హెన్రీ షుగర్' అనేది, ఆ యోగి నిజమైన పేరు కాదు. ఈ కధనంతా అతని నిజపరిచయాన్ని వొదిలి, అతని మంచి తనాన్నీ, మానవత్వాన్నీ చెప్తుంది (ఎందుకంటే ఎంతైనా అతను ఒక లార్డ్ (ప్రభు వంశస్థుడు) కొడుకు) అతని నిజం పేరేమిటీ అన్నది ఇక్కడ ప్రశ్న కాదు. అతని జీవితం ఏంటీ అన్నదే, ఈ కధ అంటాడు రచయిత.
దానితో బాగా ఆలోచించి, స్విట్జర్లాండ్ లో లూసెన్ లో ప్రత్యేకంగా 'జాన్ వాట్సన్' అనే ఒక అకౌంటెంట్ ని పెట్టుకుంటాడు. 20 ఏళ్ళ పాటూ (తన 63వ ఏట చనిపోయే వరకూ) మొత్తం 21 దేశాల్లో, దీవుల్లో 3,071 కసినోలూ, వివిధ మారు రూపాల్లో, వేర్వేరు పాస్పోర్ట్ ల తో, వివిధ ఐడెంటిటీలతో జూదమాడి కోట్లాది (మిలియన్ల కొద్దీ) ఫ్రాంకుల డబ్బును గడిస్తాడు. అతని వివిధ వేష ధారణకు పెట్టుకున్న హలీవుడ్ మేకప్ ఆర్టిస్ట్ మేక్స్ & ఈ జాన్ వాట్సన్ లకే హెన్రీ షుగర్ అంతరంగం తెలుసు. హెన్రీ షుగర్ ఫౌండేషన్ ద్వారా, హెన్రీ వెళ్ళిన ప్రతీ దేశం లోనూ ఒక అనాధాశ్రమాన్ని స్థాపించి, దాన్ని బాగోగులకు అవసరమైన ధనాన్ని సంపాదించి పెట్టాడు. వాటి నిర్వహణ కు హెన్రీ పోయాక కూడా ఢోకా లేదు అనేంత సొమ్ముని సంపాయించాక, మరణించాడు.
ఇప్పుడు, మేక్స్, వాట్సన్లు తమ ప్రియతమ మితృని మరణానికి చింతిస్తున్నారు. అతను తెర వెనుక అజ్ఞాతంగా చేసిన మంచి పన్లనూ, వైద్య రంగానికీ, కేన్సర్ ప్రయోగాలకూ చెస్సిన వితరణనూ, నమ్మశక్యం కాని యోగి లాంటి అతని జీవితాన్నీ లోకానికి చెప్పడం తమ కర్తవ్యం గా భావిస్తారు. అయితే దానిని సమర్ధవంతంగా చెప్పగలిగే రచయిత కావాలి వారికి. కాబట్టి, ఇప్పుడు వీరు, ఈ కధంతా లోకానికి చెప్పడానికి రాల్డ్ ను సంప్రదించారన్న మాట. సో.. ఇదీ రచయిత ఇంతవరకు చెప్పిన ఈ మహానుభావుడి కథ.
ఇంతకీ, ఈ 'హెన్రీ షుగర్' అనేది, ఆ యోగి నిజమైన పేరు కాదు. ఈ కధనంతా అతని నిజపరిచయాన్ని వొదిలి, అతని మంచి తనాన్నీ, మానవత్వాన్నీ చెప్తుంది (ఎందుకంటే ఎంతైనా అతను ఒక లార్డ్ (ప్రభు వంశస్థుడు) కొడుకు) అతని నిజం పేరేమిటీ అన్నది ఇక్కడ ప్రశ్న కాదు. అతని జీవితం ఏంటీ అన్నదే, ఈ కధ అంటాడు రచయిత.
ఈ కధ లో ఇమ్రత్ ఖాన్ పాత్ర ఒక పాకిస్తానీ మిస్టిక్ 'ఖుదా బక్స్' (కళ్ళు లేకున్నా చూడగలిగే సంత్ గా పేరు గాంచాడాయన) ని దృష్టిలో పెట్టుకుని అల్లాడు రచయిత. మొత్తానికి ఒక మంచి కధ. రాల్డ్ కధా సంకలనాలలో, లేదా ప్రత్యేక పుస్తకం లా కూడా దొరుకుతుంది.
No comments:
Post a Comment